GSSSB Supervisor Instructor Recruitment 2026: 203 જગ્યાઓ માટે ભરતી, જાણો લાયકાત અને નવી પરીક્ષા પદ્ધતિ

ગુજરાત ગૌણ સેવા પસંદગી મંડળ દ્વારા વિવિધ સરકારી વિભાગોમાં સુપરવાઇઝર ઇન્સ્ટ્રક્ટરની ખાલી જગ્યાઓ ભરવા માટે સત્તાવાર ભરતી જાહેરાત બહાર પાડી છે. જો તમે પણ લાયકાત ધરાવો છો તો આ ભરતીમાં ભાગ લઇ ગુજરાતમાં સરકારી નોકરી મેળવી શકો છો. આ લેખમાં, તમને આ ભરતીની તમામ વિગતો સરળ ભાષામાં મળશે, જેમાં પોસ્ટનું નામ, જગ્યાઓ, પાત્રતા માપદંડ, વય મર્યાદા, પગાર માળખું, પસંદગી પ્રક્રિયા, પરીક્ષાનો અભ્યાસક્રમ, પરીક્ષાની તૈયારી કઈ રીતે કરવી, અરજી પગલાં, સત્તાવાર જાહેરાત અને ઓનલાઈન અરજી ફોર્મની સીધી લિંક્સનો સમાવેશ થાય છે.

GSSSB Supervisor Instructor Recruitment 2026 | ગુજરાત ગૌણ સેવા પસંદગી મંડળ સુપરવાઇઝર ઇન્સ્ટ્રક્ટર ભરતી 2026

વિગતો	માહિતી
સંસ્થાનું નામ	ગુજરાત ગૌણ સેવા પસંદગી મંડળ
પદો	સુપરવાઇઝર ઇન્સ્ટ્રક્ટર
ખાલી જગ્યાઓ	203
પગારધોરણ	₹29,200 થી ₹92,300 સુધી
અરજી પ્રક્રિયા	ઓનલાઈન
સત્તાવાર વેબસાઇટ	GSSSB Portal

જરૂરી તારીખો (Important Dates)

GSSSB Supervisor Instructor ભરતીની તમામ માહિતી જાણવા પહેલા તો આપણે આ ભરતી સાથે સંકળાયેલી અગત્યની તારીખો જાણી લઈએ. જો તમે અરજી કરવાની છેલ્લી તારીખ ચૂકી જાઓ છો, તો પછી બધી તૈયારી નકામી બની જાય છે. GSSSB એ આ ભરતી માટે ખૂબ જ ટૂંકો સમય આપ્યો છે.

ઓનલાઈન અરજી પ્રક્રિયા 2 માર્ચ 2026ના રોજ શરૂ થશે અને માત્ર 15 દિવસની અંદર એટલે કે 16 માર્ચ 2026ના રોજ બંધ થઈ જશે. આટલા ટૂંકા ગાળામાં બધા દસ્તાવેજો તૈયાર કરીને ફોર્મ ભરવું પડશે. ફોર્મ ભરતી વખતે નાની ભૂલ પણ તમારી અરજી રદ કરી શકે છે. તેથી ઉતાવળમાં નહીં પણ સમજી-વિચારીને ફોર્મ ભરો. શરૂઆતનો દિવસ 2 માર્ચ બપોરે 02:00 વાગ્યાથી શરૂ થાય છે, તેથી આ દિવસે બપોર પછી સત્તાવાર વેબસાઈટ ચેક કરતા રહેજો.

ઘટના	તારીખ
ઓનલાઈન અરજીની શરૂઆત	2 માર્ચ 2026 (બપોરે 02:00 વાગ્યાથી)
અરજી કરવાની છેલ્લી તારીખ	16 માર્ચ 2026

પોસ્ટનું નામ અને ખાલી જગ્યા (Post Name and Vacancy)

આ ભરતીમાં માત્ર એક જ પોસ્ટ સુપરવાઇઝર ઇન્સ્ટ્રક્ટર માટે છે પરંતુ તેના ઘણા જૂથો (Groups) છે. દરેક જૂથ અલગ-અલગ ટેકનિકલ વિષય સાથે સંબંધિત છે. કુલ 203 જગ્યાઓ છે, જેમાં સૌથી વધુ 49 જગ્યાઓ ઈલેક્ટ્રિકલ ગ્રુપમાં છે, ત્યારબાદ મિકેનિકલ ગ્રુપમાં 35 અને કમ્પ્યુટર ગ્રુપમાં 27 જગ્યાઓ છે.

કેટલાક ગ્રુપમાં જગ્યાઓ ખૂબ ઓછી છે, જેમ કે રેફ્રિજરેશન અને એર કન્ડીશનીંગમાં માત્ર 3 જગ્યા છે. આવા ગ્રુપમાં સ્પર્ધા થોડી ઓછી હોઈ શકે છે, પરંતુ પસંદગીની તક પણ એટલી જ ઓછી હોય છે. Gujarat Subordinate Service Selection Board ની ઓફિશિયલ નોટિફિકેશન અનુસાર, તમારે જે જૂથ માટે અરજી કરવી છે, તેનું નામ અને જગ્યાની સંખ્યા ધ્યાનથી નોંધી લો.

પોસ્ટનું નામ (ગ્રુપ)	ખાલી જગ્યાઓની સંખ્યા
મિકેનિકલ ગ્રુપ	35
ઇલેક્ટ્રિકલ ગ્રુપ	49
ઓટોમોબાઇલ ગ્રુપ	24
કમ્પ્યુટર ગ્રુપ	27
ફેબ્રિકેશન ગ્રુપ	13
રેફ્રિજરેશન અને એર કન્ડીશનીંગ	3
રાસાયણિક ગ્રુપ	7
સિવિલ કન્સ્ટ્રક્શન અને ઇન્ફ્રાસ્ટ્રક્ચર	5
માહિતી ટેકનોલોજી (IT)	3
ઇન્સ્ટ્રુમેન્ટેશન ગ્રુપ	4
એપેરલ અને ફેશન ગ્રુપ	19
બ્યુટી કલ્ચર અને હેર ડ્રેસિંગ	9
રોજગાર કૌશલ્ય ગ્રુપ	5
કુલ	203

પગાર (Salary)

સરકારી નોકરીમાં પગાર સારો અને ભવિષ્ય સુરક્ષિત હોય છે. GSSSB સુપરવાઇઝર ઇન્સ્ટ્રક્ટર માટે પણ સારો પગાર ધોરણ જાહેર કરવામાં આવ્યો છે. ગુજરાત ગૌણ સેવા પસંદગી મંડળની ભરતી જાહેરાતમાં જણાવેલ માહિતી મુજબ, પસંદ થયેલા ઉમેદવારોને પ્રથમ પાંચ વર્ષ માટે દર મહિને રૂ. 40,800 નો ફિક્સ પગાર મળશે.

પાંચ વર્ષ પછી, જ્યારે નિમણૂંક કાયમી થશે, ત્યારે પગાર રૂ. 29,200 થી 92,300 (પગાર સ્તર-5) થઈ જશે. આ ઉપરાંત, મોંઘવારી ભથ્થું (DA), મકાન ભથ્થું (HRA), પ્રોવિડન્ટ ફંડ (PF), પેન્શન અને તબીબી સુવિધાઓ જેવા બીજા ઘણા લાભો પણ મળે છે, જે કુલ પગારને ઘણો વધારે છે.

સમયગાળો	પગારની વિગત
પ્રથમ 5 વર્ષ (ફિક્સ પગાર)	રૂ. 40,800 પ્રતિ માસ
5 વર્ષ પછી (પગાર સ્તર-5)	રૂ. 29,200 થી 92,300 પ્રતિ માસ
અન્ય લાભો	મોંઘવારી ભથ્થું, HRA, PF, પેન્શન, તબીબી સુવિધાઓ વગેરે.

આ ઇન્ફોગ્રાફિકમાં ભરતી સંબંધિત મુખ્ય માહિતી સરળ અને સ્પષ્ટ રીતે રજૂ કરવામાં આવી છે. વિગતવાર માહિતી માટે સંપૂર્ણ લેખ વાંચો અને અરજી કરતા પહેલા સત્તાવાર સૂચના જરૂર તપાસો.

આ પણ વાંચો – GSSSB CCE Recruitment 2026

વયમર્યાદા (Age Limit)

આ ભરતીમાં અરજી કરવા માટે ઉમેદવારની ઉંમર ઓછામાં ઓછી 18 વર્ષ અને વધુમાં વધુ 36 વર્ષ હોવી જોઈએ. સામાન્ય રીતે સરકારી નોકરીમાં 33 વર્ષની મર્યાદા હોય છે, પરંતુ આ ભરતીમાં 36 વર્ષ સુધીના ઉમેદવારો અરજી કરી શકે છે, જે રાહતની વાત છે.

આ વયની ગણતરી કઈ તારીખના આધારે કરવામાં આવશે, તેની સ્પષ્ટતા માટે સત્તાવાર જાહેરાત જરૂરથી વાંચો. અનામત શ્રેણી (SC/ST/OBC) ના ઉમેદવારોને નિયમ મુજબ વયમર્યાદામાં છૂટ આપવામાં આવે છે, જેનો લાભ લેવો જોઈએ.

વર્ગ	વયમર્યાદા
લઘુત્તમ વય	18 વર્ષ
મહત્તમ વય	36 વર્ષ
અનામત વર્ગના ઉમેદવારો માટે છૂટ	નિયમ મુજબ

અરજી ફી (Application Fee)

અરજી કરતી વખતે ફી ભરવાનો મુદ્દો પણ જાણવો જરૂરી હોય છે. આ ભરતી માટે પ્રારંભિક પરીક્ષાની ફી રૂ. 400/- રાખવામાં આવી છે. પરંતુ ધ્યાન રાખો, આ ફી ફક્ત પ્રારંભિક પરીક્ષા માટે છે. જે ઉમેદવારો આ પરીક્ષા આપશે, તેમને આ ફી પરત કરવામાં આવશે.

એટલે કે તમે પરીક્ષા આપો છો, તો તમારા પૈસા પાછા મળી જશે. આ એક સારી પહેલ છે. જો કે, અનામત વર્ગના ઉમેદવારો માટે ફીમાં કોઈ છૂટ છે કે કેમ, તે સત્તાવાર સૂચનામાં ચકાસી લો. ફી સામાન્ય રીતે ઓનલાઈન મોડ (ક્રેડિટ કાર્ડ/ડેબિટ કાર્ડ/નેટ બેંકિંગ) દ્વારા ભરવાની રહેશે.

વિગત	રકમ / માહિતી
પ્રારંભિક પરીક્ષા માટે ફી	રૂ. 400/-
ફી રિફંડ નીતિ	પરીક્ષા આપનાર તમામ ઉમેદવારોને ફી પરત કરવામાં આવશે.
ચુકવણી મોડ	ઓનલાઈન (કાર્ડ / નેટ બેંકિંગ)

લાયકાત (Educational Qualification)

લાયકાતની વાત કરીએ તો તે થોડી ટેકનિકલ છે. ઉમેદવારે જે ગ્રુપ માટે અરજી કરવી છે, તે ગ્રુપમાં સંબંધિત ટ્રેડ (જેમ કે: B.E./B.Tech in Mechanical, Diploma in Electrical વગેરે) માં ડિગ્રી, ડિપ્લોમા અથવા ITI પૂર્ણ કરેલું હોવું જોઈએ. એટલે કે જો તમે ઈલેક્ટ્રિકલ ગ્રુપ માટે અરજી કરો છો, તો તમારી પાસે ઈલેક્ટ્રિકલમાં જ ડિગ્રી/ડિપ્લોમા હોવી જોઈએ.

આ ઉપરાંત, તમને કમ્પ્યુટર એપ્લિકેશનનું મૂળભૂત જ્ઞાન હોવું ફરજિયાત છે. આજના સમયમાં કોમ્પ્યુટર આવડવું એ જરૂરી બની ગયું છે. તેની સાથે, ગુજરાતી, હિન્દી અથવા બંને ભાષાનું પૂરતું જ્ઞાન પણ જરૂરી છે, કારણ કે રાજ્યમાં કામ કરવાનું છે. અલગ-અલગ ગ્રુપ માટે લાયકાતની વિગતો અલગ હોઈ શકે છે, તેથી સત્તાવાર સૂચનામાં તે ચોક્કસ ચકાસી લો.

પોસ્ટનું નામ (ગ્રુપ)	જરૂરી લાયકાત (Trade Specific)
મિકેનિકલ ગ્રુપ	મિકેનિકલ ટ્રેડમાં ડિગ્રી / ડિપ્લોમા / ITI
ઇલેક્ટ્રિકલ ગ્રુપ	ઇલેક્ટ્રિકલ ટ્રેડમાં ડિગ્રી / ડિપ્લોમા / ITI
ઓટોમોબાઇલ ગ્રુપ	ઓટોમોબાઇલ ટ્રેડમાં ડિગ્રી / ડિપ્લોમા / ITI
કમ્પ્યુટર ગ્રુપ	કમ્પ્યુટર ટ્રેડમાં ડિગ્રી / ડિપ્લોમા / ITI
ફેબ્રિકેશન ગ્રુપ	ફેબ્રિકેશન ટ્રેડમાં ડિગ્રી / ડિપ્લોમા / ITI
રેફ્રિજરેશન અને એર કન્ડીશનીંગ	સંબંધિત ટ્રેડમાં ડિગ્રી / ડિપ્લોમા / ITI
રાસાયણિક ગ્રુપ	રાસાયણિક ટ્રેડમાં ડિગ્રી / ડિપ્લોમા / ITI
સિવિલ કન્સ્ટ્રક્શન અને ઇન્ફ્રાસ્ટ્રક્ચર	સિવિલ ટ્રેડમાં ડિગ્રી / ડિપ્લોમા / ITI
માહિતી ટેકનોલોજી (IT)	IT ટ્રેડમાં ડિગ્રી / ડિપ્લોમા / ITI
ઇન્સ્ટ્રુમેન્ટેશન ગ્રુપ	ઇન્સ્ટ્રુમેન્ટેશન ટ્રેડમાં ડિગ્રી / ડિપ્લોમા / ITI
એપેરલ અને ફેશન ગ્રુપ	એપેરલ/ફેશન ટ્રેડમાં ડિગ્રી / ડિપ્લોમા / ITI
બ્યુટી કલ્ચર અને હેર ડ્રેસિંગ	બ્યુટી કલ્ચર ટ્રેડમાં ડિગ્રી / ડિપ્લોમા / ITI
રોજગાર કૌશલ્ય ગ્રુપ	સંબંધિત ટ્રેડમાં ડિગ્રી / ડિપ્લોમા / ITI
અન્ય લાયકાત	–
કમ્પ્યુટર જ્ઞાન	કમ્પ્યુટર એપ્લિકેશનનું મૂળભૂત જ્ઞાન (ફરજિયાત)
ભાષાનું જ્ઞાન	ગુજરાતી અને/અથવા હિન્દીનું પૂરતું જ્ઞાન

આ પણ વાંચો – Gujarat University Recruitment 2026

જરૂરી કાર્ય અનુભવ (Post-Qualification Experience)

GSSSB સુપરવાઇઝર ઇન્સ્ટ્રક્ટરની પોસ્ટ માટે માત્ર શૈક્ષણિક લાયકાત પૂરતી નથી. ઉમેદવાર પાસે પોતાની ડિગ્રી કે ડિપ્લોમા પૂર્ણ કર્યા પછીનો નીચે મુજબનો સંબંધિત ક્ષેત્રનો અનુભવ હોવો ફરજિયાત છે:

શૈક્ષણિક લાયકાત	જરૂરી લઘુત્તમ અનુભવ
ડિગ્રી ધારકો (B.E. / B.Tech)	ઓછામાં ઓછો 1 વર્ષનો અનુભવ
ડિપ્લોમા ધારકો (Diploma)	ઓછામાં ઓછો 2 વર્ષનો અનુભવ
ITI (CITS) ધારકો	ઓછામાં ઓછો 3 વર્ષનો અનુભવ

અનુભવ અંગેની મહત્વની નોંધ:

• આ અનુભવ શૈક્ષણિક લાયકાત (Degree/Diploma/ITI) મેળવ્યા પછીનો હોવો જોઈએ.
• અનુભવ સંબંધિત ટ્રેડ અથવા ઇન્ડસ્ટ્રીનો હોવો જરૂરી છે.
• જો તમારી પાસે જરૂરી અનુભવનું પ્રમાણપત્ર નથી, તો તમારી અરજી રદ થઈ શકે છે.

પસંદગી પ્રક્રિયા (Selection Process)

તમારી પસંદગી કેવી રીતે થશે, એ સમજવું ખૂબ જરૂરી છે. GSSSB ની પસંદગી પ્રક્રિયા મુખ્યત્વે બે તબક્કામાં થશે જે તમે નીચે મુજબ જોઈ શકો છો.

1. લેખિત પરીક્ષા: સૌ પ્રથમ એક લેખિત પરીક્ષા લેવામાં આવશે. આ પરીક્ષાના મેરિટના આધારે ઉમેદવારોને બીજા તબક્કા માટે બોલાવવામાં આવશે.
2. દસ્તાવેજ ચકાસણી: લેખિત પરીક્ષામાં સફળ થયેલા ઉમેદવારોની દસ્તાવેજો ચકાસવામાં આવશે. આ તબક્કામાં તમારી લાયકાત, ઉંમર, જાતિ વગેરેના ઓરીજનલ દસ્તાવેજો ચકાસવામાં આવે છે. જો દસ્તાવેજોમાં ખોટી માહિતી મળી આવે અથવા તે અપૂરતા હોય, તો ઉમેદવારની ઉમેદવારી રદ કરી શકાય છે. તેથી દસ્તાવેજો હંમેશા સાચા અને વ્યવસ્થિત રાખો.

તબક્કો	પ્રક્રિયાનું નામ	સમજૂતી
પ્રથમ	લેખિત પરીક્ષા	મેરિટના આધારે પ્રથમ શોર્ટલિસ્ટ
અંતિમ	દસ્તાવેજ ચકાસણી	ઓરીજનલ દસ્તાવેજો મેળ ખાય છે કે કેમ તેની ચકાસણી.

જરૂરી દસ્તાવેજ (Required Documents)

અરજી કરતી વખતે અને દસ્તાવેજ ચકાસણી વખતે કયા કયા કાગળો જોઈએ છે, તેની યાદી અગાઉથી બનાવી રાખો. સામાન્ય રીતે નીચેના દસ્તાવેજો માંગવામાં આવે છે:

• શૈક્ષણિક લાયકાતના પ્રમાણપત્રો (માર્કશીટ અને ડિગ્રી/ડિપ્લોમા સર્ટિફિકેટ)
• વયનો પુરાવો (જન્મ તારીખનું પ્રમાણપત્ર / 10મીની માર્કશીટ)
• જાતિ પ્રમાણપત્ર (અનામત વર્ગના ઉમેદવારો માટે)
• મૂળભૂત કમ્પ્યુટર જ્ઞાનનું પ્રમાણપત્ર (જો હોય તો)
• આધાર કાર્ડ
• પાસપોર્ટ સાઈઝના ફોટા
• સહી (સ્કેન કરેલી)

દસ્તાવેજનો પ્રકાર	નોંધ
શૈક્ષણિક લાયકાત	સંબંધિત ટ્રેડની ડિગ્રી/ડિપ્લોમા/ITI ની માર્કશીટ અને સર્ટિફિકેટ.
ઓળખ અને સરનામું	આધાર કાર્ડ, વોટર આઈડી, પાસપોર્ટ વગેરે.
વયનો પુરાવો	જન્મ તારીખ દર્શાવતું 10મીનું પ્રમાણપત્ર કે બોર્ડનું સર્ટિફિકેટ.
જાતિ પ્રમાણપત્ર	SC/ST/OBC વર્ગના ઉમેદવારો માટે (જો લાગુ પડતું હોય તો).
ફોટો અને સહી	સ્કેન કરેલો પાસપોર્ટ સાઈઝનો ફોટો અને સહી.

ફરજ / બજાવવાની કામગીરી (Job Duties)

સુપરવાઇઝર ઇન્સ્ટ્રક્ટર તરીકેની મુખ્ય ફરજો શું હશે, તે જાણવું પણ જરૂરી છે. આ પોસ્ટ શ્રમ કૌશલ્ય વિકાસ અને રોજગાર વિભાગ હેઠળ આવે છે. સામાન્ય રીતે, તમારે સરકારી આઈટીઆઈ (ITI) અથવા અન્ય વ્યવસાયિક તાલીમ કેન્દ્રોમાં વિદ્યાર્થીઓને તમારા ટેકનિકલ વિષય (જેમ કે ઈલેક્ટ્રિકલ, મિકેનિકલ) ની પ્રાયોગિક અને સૈદ્ધાંતિક તાલીમ આપવાની રહેશે.

ઉપરાંત, વર્કશોપની દેખરેખ રાખવી, સાધનસામગ્રીની જાળવણી કરવી અને વિદ્યાર્થીઓના મૂલ્યાંકનની પ્રક્રિયામાં ભાગ લેવો જેવી જવાબદારીઓ પણ નિભાવવી પડી શકે છે. આ એક શિક્ષક અને સુપરવાઇઝર બંને પ્રકારની ભૂમિકા છે.

જવાબદારી	વર્ણન
તાલીમ આપવી	સંબંધિત ટેકનિકલ ટ્રેડમાં વિદ્યાર્થીઓને પ્રાયોગિક અને સૈદ્ધાંતિક શિક્ષણ આપવું.
ધ્યાન રાખવું	વર્કશોપ, લેબ અને સાધનોની જાળવણી અને ધ્યાન રાખવું.
મૂલ્યાંકન	વિદ્યાર્થીઓની પ્રગતિ અને પરીક્ષાઓનું મૂલ્યાંકન કરવું.

પરીક્ષા પેટર્ન અને અભ્યાસક્રમ (Exam Pattern and Syllabus)

હજુ સુધી આ ભરતી માટે ચોક્કસ પરીક્ષા પેટર્ન અને અભ્યાસક્રમ (સિલેબસ) જાહેર થયા નથી. અધિકૃત ભરતી જાહેરનામામાં આપેલી વિગતો અનુસાર, સામાન્ય રીતે, GSSSB ની પરીક્ષાઓમાં બહુવિકલ્પી પ્રશ્નો (MCQ) પૂછવામાં આવે છે. GSSSB ના નવા નિયમો મુજબ CBRT પદ્ધતિ હોઈ શકે છે.

પેપરમાં સામાન્ય જ્ઞાન, ગુજરાતી ભાષા, બુદ્ધિમત્તા અને સંખ્યાત્મક ક્ષમતા (રિઝનિંગ અને મેથ્સ) તેમજ સંબંધિત ટેકનિકલ વિષયના પ્રશ્નોનો સમાવેશ થાય છે. સત્તાવાર સૂચના બહાર પડ્યા બાદ જ સ્પષ્ટ પેટર્ન ખબર પડશે. ત્યાં સુધી, તમે તમારા ટેકનિકલ વિષયના પાયાના ખ્યાલો અને સ્પર્ધાત્મક પરીક્ષાના સામાન્ય વિષયોનું પુનરાવર્તન કરી શકો છો.

ઘટક	સંભવિત વિગત (સત્તાવાર સૂચના બાદ જ ચોક્કસ)
પ્રશ્નોનો પ્રકાર	બહુવિકલ્પી પ્રશ્નો (MCQ)
મુખ્ય વિષયો	સામાન્ય જ્ઞાન, ગુજરાતી, બુદ્ધિમત્તા, અને સંબંધિત ટેકનિકલ વિષય.

પરીક્ષા પદ્ધતિ (New CBRT Exam Pattern) – અપેક્ષિત

GSSSB (મંડળ) દ્વારા લેવામાં આવતી નવીનતમ પરીક્ષાઓ હવે CBRT (Computer Based Recruitment Test) પદ્ધતિથી લેવામાં આવે છે. સુપરવાઇઝર ઇન્સ્ટ્રક્ટરની આ ભરતી માટે પણ અંદાજિત 210 ગુણની પરીક્ષા પદ્ધતિ નીચે મુજબ હોઈ શકે છે:

ભાગ	વિષય અને વિગત	કુલ પ્રશ્નો / ગુણ
ભાગ-A	તાર્કિક કસોટી (Reasoning), ડેટા ઇન્ટરપ્રિટેશન, ગણિત, ભારતનું બંધારણ, વર્તમાન પ્રવાહ (Current Affairs), અંગ્રેજી અને ગુજરાતી વ્યાકરણ.	90
ભાગ-B	સંબંધિત ટ્રેડ/ટેકનિકલ વિષયને લગતું જ્ઞાન (Trade Related Technical Knowledge).	120
કુલ	બહુવિકલ્પી પ્રશ્નો (MCQs)	210

પરીક્ષાના મહત્વના નિયમો:

• નેગેટિવ માર્કિંગ: દરેક ખોટા જવાબ દીઠ 0.25 માર્કસ કાપવામાં આવશે. જો તમે પ્રશ્નનો જવાબ નથી આપવા માંગતા, તો ‘Not Attempted’ (વિકલ્પ-E) પસંદ કરવો પડશે.
• સમય મર્યાદા: આ પરીક્ષા પૂર્ણ કરવા માટે સામાન્ય રીતે 180 મિનિટ (3 કલાક) નો સમય આપવામાં આવે છે.
• પાસિંગ લાયકાત: પસંદગી યાદીમાં સ્થાન મેળવવા માટે ઉમેદવારે ભાગ-A અને ભાગ-B બંનેમાં અલગ-અલગ ઓછામાં ઓછા 40% ગુણ મેળવવા ફરજિયાત છે.
• પરીક્ષાનું માધ્યમ: ટેકનિકલ પ્રશ્નો (ભાગ-B) સિવાયના પ્રશ્નોનું માધ્યમ ગુજરાતી રહેશે.

નોંધ: ઉપરોક્ત પરીક્ષા પદ્ધતિ GSSSB ના નવા પરીક્ષા નિયમો (New Recruitment Rules) પર આધારિત છે. સત્તાવાર જાહેરાત બાદ જો કોઈ ફેરફાર હશે તો અહીં અપડેટ કરવામાં આવશે.

પરીક્ષાની તૈયારી માટે ટિપ્સ (Exam Preparation Tips)

સ્પર્ધાત્મક પરીક્ષામાં સફળતા માટે સમજી-વિચારીને કરેલી તૈયારી જરૂરી છે. અહીં કેટલીક ટિપ્સ આપી છે જેને ફોલો કરશો તો તમને સફળતામાં મદદરૂપ થઇ શકે છે.

1. ઓફિશ્યિલ નોટિફિકેશન વાંચો: સૌથી પહેલા સત્તાવાર PDF ડાઉનલોડ કરીને તેને શરૂઆતથી અંત સુધી વાંચો. તેમાં કોઈ ફેરફાર હોઈ શકે છે.
2. અભ્યાસક્રમ સમજો: સિલેબસ મળ્યા બાદ તેને વિષયવાર વિભાજીત કરો અને દરેક વિષયને પૂરતો સમય આપો.
3. નિયમિત અભ્યાસ: દરરોજ થોડોક સમય પણ નિયમિત રીતે વાંચવાની ટેવ પાડો.
4. જૂના પ્રશ્નપત્રો ઉકેલો: GSSSB ની પાછલી પરીક્ષાઓના પ્રશ્નપત્રો ઉકેલવાથી પરીક્ષાની પેટર્ન અને મુશ્કેલીનું સ્તર સમજાશે.
5. મોક ટેસ્ટ આપો: ઓનલાઈન મોક ટેસ્ટ આપવાથી તમારી તૈયારીનું મૂલ્યાંકન થશે અને ટાઈમ મેનેજમેન્ટ સુધરશે.

અરજી કરતા પહેલા ખાસ નોંધ: E-KYC પ્રક્રિયા

ગુજરાત ગૌણ સેવા પસંદગી મંડળ (GSSSB) ની નવી માર્ગદર્શિકા મુજબ, હવે OJAS પોર્ટલ પર અરજી કરતા પહેલા દરેક ઉમેદવારે Aadhar-based E-KYC પૂર્ણ કરવું ફરજિયાત છે. જો તમે આ પ્રોસેસ નહીં કરો, તો તમે ઓનલાઈન ફોર્મ ભરી શકશો નહીં.

E-KYC અને રજીસ્ટ્રેશન માટેના સ્ટેપ્સ:

1. આધાર લિંકિંગ: સૌથી પહેલા OJAS ની વેબસાઈટ પર જઈને તમારા આધાર કાર્ડ નંબર દ્વારા E-KYC પૂર્ણ કરો.
2. OTP વેરિફિકેશન: તમારા આધાર સાથે લિંક થયેલા મોબાઈલ નંબર પર એક OTP આવશે, જે સબમિટ કરવાથી તમારું વેરિફિકેશન થશે.
3. નવું રજીસ્ટ્રેશન: જો તમે પ્રથમ વખત અરજી કરી રહ્યા છો, તો તમારે નવું રજીસ્ટ્રેશન (One Time Registration) કરવું પડશે.
4. વિગતોની ચકાસણી: E-KYC કર્યા પછી તમારી પાયાની વિગતો (નામ, જન્મ તારીખ વગેરે) ઓટોમેટિક આવી જશે, જે સુધારી શકાશે નહીં. તેથી ખાતરી કરો કે તમારા આધાર કાર્ડમાં બધી માહિતી સાચી છે.

અરજી પ્રક્રિયા (Application Process)

અરજી કરવી એકદમ સરળ છે. બધી પ્રક્રિયા ઓનલાઈન થશે. તમારે સત્તાવાર વેબસાઈટ gsssb.gujarat.gov.in પર જઈને અથવા OJAS પોર્ટલ ojas.gujarat.gov.in પરથી અરજી કરવાની રહેશે.

• અરજી કરવા માટે સૌથી પહેલા, ગુજરાત સરકારના ભરતી સંબંધિત પોર્ટલ પર “GSSSB Supervisor Instructor Recruitment 2026” ની લિંક પર ક્લિક કરો.
• ત્યાં તમારે નોંધણી (Registration) કરાવવી પડશે, જેમાં તમારું નામ, મોબાઈલ નંબર, ઈમેઈલ જેવી માહિતી આપવાની રહેશે. નોંધણી બાદ તમને એક રજીસ્ટ્રેશન નંબર અને પાસવર્ડ મળશે.
• આ પછી, લોગીન કરીને અરજી ફોર્મ ભરો. તેમાં તમારી અંગત વિગતો, શૈક્ષણિક લાયકાત વગેરે ભરવાના રહેશે.
• જરૂરી દસ્તાવેજો (ફોટો, સહી, પ્રમાણપત્રો) સ્કેન કરીને અપલોડ કરો.
• તમામ દસ્તાવેજો અપલોડ થઈ ગયા બાદ તમારી સામે અરજી ફી ભરવાનું પેજ આવશે. ત્યાં અરજી ફી ભરી દો.
• ફાઈનલ સબમિટ કર્યા બાદ, ફોર્મનો એક પ્રિન્ટઆઉટ કાઢી લો અને તેને વ્યવસ્થિત જગ્યા પર સાચવી રાખો.

એડમિટ કાર્ડ અને કોલ લેટર (Admit Card and Call Letter)

પરીક્ષાના થોડા દિવસો પહેલા એડમિટ કાર્ડ GSSSB ની સત્તાવાર વેબસાઈટ પર ડાઉનલોડ કરવા માટે ઉપલબ્ધ કરાવવામાં આવશે. તેના માટે અલગથી કોઈ પત્ર (કોલ લેટર) તમારા ઘરે મોકલવામાં આવતો નથી. સમય થતાં તમારે લોગીન કરીને અથવા સીધી લિંક પરથી એડમિટ કાર્ડ ડાઉનલોડ કરવાનું રહેશે. એડમિટ કાર્ડ પર પરીક્ષાનું કેન્દ્ર, તારીખ, સમય અને તમારી અંગત વિગતો હશે. તેને સાચવીને રાખો અને પરીક્ષાના દિવસે તેની સાથે લઈ જવાનું ભૂલશો નહીં.

ગુજરાત પરીક્ષા કેન્દ્ર (Gujarat Exam Center)

પરીક્ષાના કેન્દ્રો ગુજરાત રાજ્યના મોટા શહેરો અને જિલ્લા મથકો પર બનાવવામાં આવે છે. અરજી કરતી વખતે જ તમને તમારી સગવડ મુજબ પરીક્ષાનું શહેર (જેમ કે અમદાવાદ, સુરત, વડોદરા, રાજકોટ, ભાવનગર વગેરે) પસંદ કરવાનો વિકલ્પ આપવામાં આવશે. જો કે, અંતિમ કેન્દ્ર GSSSB દ્વારા નક્કી કરવામાં આવશે અને તે એડમિટ કાર્ડ પર છાપેલું હશે. તમે જેટલી વહેલી અરજી કરશો, તમારી પસંદગીના કેન્દ્રમાં જગ્યા મળવાની શક્યતા એટલી વધારે રહે છે.

કટઓફ અને રિઝલ્ટ (Cutoff and Result)

પરીક્ષા પૂર્ણ થયા બાદ, GSSSB સત્તાવાર વેબસાઈટ પર પરિણામ (રિઝલ્ટ) જાહેર કરશે. પરિણામ સામાન્ય રીતે PDF ફોર્મેટમાં આવે છે, જેમાં દસ્તાવેજ ચકાસણી માટે પસંદ થયેલા ઉમેદવારોની યાદી (રોલ નંબર સાથે) હોય છે. આ પસંદગી માટે કટઓફ માર્કસ નક્કી કરવામાં આવે છે. કટઓફ એટલે લઘુત્તમ માર્કસ જે મેળવ્યા બાદ ઉમેદવાર આગલા તબક્કામાં જઈ શકે છે. આ કટઓફ જાહેર નથી કરવામાં આવતો, પરંતુ તે જગ્યાઓની સંખ્યા, ઉમેદવારોની સંખ્યા અને પેપરના મુશ્કેલી સ્તર પર આધાર રાખે છે.

જૂના પ્રશ્નપત્રો ક્યાંથી મેળવવા (Where to Get Old Question Papers)

પરીક્ષાની તૈયારીમાં જૂના પ્રશ્નપત્રો (Old Question Papers) ખૂબ જ ઉપયોગી સાબિત થાય છે. GSSSB ની અગાઉની વિવિધ ભરતીઓના પ્રશ્નપત્રો તમે નીચેના માધ્યમોથી મેળવી શકો છો:

1. સત્તાવાર વેબસાઈટ: GSSSB (gsssb.gujarat.gov.in) ની વેબસાઈટ પર ક્યારેક “Previous Papers” અથવા “Syllabus” ના સેક્શનમાં આ માહિતી મૂકવામાં આવે છે.
2. બુકસ્ટોલ અને ઓનલાઈન પ્લેટફોર્મ: સ્પર્ધાત્મક પરીક્ષાની તૈયારી માટેનાં પુસ્તકો વેચતી દુકાનો પર GSSSB ના પ્રશ્નપત્રોના સંગ્રહિત પુસ્તકો મળી શકે છે. ઘણી ઓનલાઈન વેબસાઈટ પણ આ પ્રશ્નપત્રો PDF ફોર્મેટમાં આપે છે.
3. શૈક્ષણિક વેબસાઈટ અને ફોરમ: ગૂગલ પર ઘણી વેબસાઈટ છે જે આ પ્રકારની સામગ્રી મફતમાં ઉપલબ્ધ કરાવે છે. તમે ગૂગલ પર જઈ “GSSSB Supervisor Instructor Old Question Papers” લખી સર્ચ કરી શકો છો.

GSSSB Supervisor Instructor Recruitment 2026 : વારંવાર પૂછાતા પ્રશ્નો (FAQs)

આ લેખ સંબંધિત મહત્વની લિંક્સ:

• Recruitment Official Notification
• Apply Online on OJAS Portal
• GSSSB Official Website

નિષ્કર્ષ

ગુજરાત ગૌણ સેવા પસંદગી મંડળ દ્વારા ગુજરાત સરકારના વિવિધ વિભાગોમાં સુપરવાઇઝર ઇન્સ્ટ્રક્ટર તરીકે સરકારી નોકરી કરવા માંગતા અને કરિયર બનાવવા માંગતા ઉમેદવારો માટે એક સારી તક સાબિત થઈ શકે છે. અરજી કરતા પહેલા તમારી લાયકાત, અનુભવ અને રસને ધ્યાનમાં લઈને યોગ્ય પોસ્ટ પસંદ કરો. બધા દસ્તાવેજો તૈયાર કરીને અરજી કરી દો. તમારું ઈમેલ તથા મેસેજ ચેક કરતા રહો અને પરીક્ષા માટેની તૈયારી પણ નિયમિત કરતા રહો તો તમે આ ભરતીમાં સફળતા મેળવી શકો છો. આવી જ ભરતીઓની માહિતી વિસ્તારપૂર્વક અને સરળ ભાષામાં જાણવા માટે અમારી વેબસાઇટની મુલાકાત લેતા રહો.

Disclaimer

આ લેખમાં આપેલી ભરતી સંબંધિત માહિતી સત્તાવાર જાહેરનામા અને ઉપલબ્ધ સ્ત્રોતોના આધારે તૈયાર કરવામાં આવી છે. અરજી કરતા પહેલા કૃપા કરીને સત્તાવાર વેબસાઇટ પર માહિતી જરૂર તપાસો. તારીખ, લાયકાત અથવા અન્ય વિગતોમાં ફેરફાર થઈ શકે છે. કોઈપણ ભૂલ કે વિસંગતતા માટે અમારી જવાબદારી રહેશે નહીં